Hadsay Kya Kya Tumhari Bayrukhi Say Hogaye
Sari Dunya Kay Liye Hum Ajnabi Say Hogaye ..
Gardish-e-Dauraan, Zamaane Ki Nazar, Aankho Ki Neend
Kitnay Dushman Aik Rasm-e-Dosti Say Hogaye ..
Kuch Tumhari Gesu'o'n Ki Barahmi Nay Kar Diya
Kuch Andhere Mere Ghar Main Roshni Say Hogaye
You'n To Hum Agaa'h Thay Syaad Ki Tadbeer Say
Hum Aseer-e-Daam-e-Gul Apni Khdi Say Hogaye
Har Qadam Sagar Nazar Anay Lagi Hain Manzilain
Marhale Thay Meri Kuch Awargi Say Hogaye