[(¯*♥¤»ƙɧՄՏɧՅԾԾ«¤♥*¯)]

hum bhi unhe yaad aaye to kya baat hai
unhe bhi tanhaai sataaye to kya baat hai

woh zamaane bhar se ta’alluq jo rakhta hai
humse bhi rishta banaaye to kya baat hai

rakh de tamaam kaaynaat uske kadmoen main
woh iss or kadam badhaaye to kya baat hai

maine dekhe hain raaz-o-niyaz ke sapne
uske lab pe naam mera aaye to kya baat hai

fart-e-ghum main humne aansoo to bahaaye
apne pyaar se woh bhigo jaaye to kya baat hai

kaash kisi din woh mere dard ko samjh paaye
kaash kisi din woh apnaaye, to kya baat hai

ab saans lena bhi muhaal hai lagtaa
kya baat hai? yahi puch jaaye to kya baat hai!

 

---