Aisi hi sard shaam thi vo bhi
jab vo mehandi rachaaye haathon mein
apani aahaT ke Khauf se larazaaN
surKh aaNchal men muuNh chhipaaye hue
apane Khat mujh se lene aa_i thi
us ki sahmi hu_i nigaahon men
kitani Khaamosh iltijaayeN thin
us ke chehare ki zard rangat men
kitani majabuuriyon ke saaye the
mere haathon se Khat pakarate hi
jaane kyaa soch kar achaanak vo
meraa shaanaa pakar kar ro_i thi
us ke yaaquut rang honThon ke
kap_kapaate hue kinaaron par
saikaDon ankahe fasaane the
sard shaamon men der tak aksar
jab ye manzar dikhaa_i detaa hai
ek lamhaa hinaa_i haathon se
mujh ko apani taraf bulaataa hai
ham_nashin ruuTh kar naa jaa mujh se
aisi hi sard shaam thi vo bhi
Hussain Ke Dushman Ki Sab Se Bari Baat Yeh Hai
Ke Woh Hussain Ka Dushman Hai...