[SHAYAN]

Aao Aapas Mein Hum Zindagi Baant Lein,
Saare Gam Baant Lein Har Khushi Baant Lein,
Aao Aapas Mein Hum Zindagi Baant Lein,

Daal Lein Reet Agar Baant Lene Ki Hum,
Dugni Ho Khushi Nisf Reh Jayein Gam,
AshQ TaQseem Kar Lein Khushi Baant Lein,
Aao Aapas Mein Hum Zindagi Baant Lein,

Pyaas Ka Raabta Bhi Samundar Se Ho,
Koi Muflis Na Bahar Na Andar Se Ho,
Jitni Daulat Hai Ehsaas Ki Baant Lein,
Aao Aapas Mein Hum Zindagi Baant Lein,

Rakhein Buniyaad Agar Adal Ki Pyaar Ki,
Kitni Unchi Imarat Ho Kirdaar Ki,
Jal Uthe Roshni Har Diya Baant Lein,
Aao Aapas Mein Hum Zindagi Baant Lein,

Raaste Ek Ho Manzilein Ek Ho,
Mukhtalif Log Bhi Jab Mile Ek Ho,
Aaine Hi Nahi Zehen Bhi Baant Lein,
Aao Aapas Mein Hum Zindagi Baant Lein,

NuQrayi Subah Par Surmayi Shaam Par,
Sab Ka HaQ Ho Inaayat-E-Ayyaam Par,
HaQ Qadam Har Nazar Har Ghadi Baant Lein,
Aao Aapas Mein Hum Zindagi Baant Lein...