Manzil Bhi Kho Chuka Hoo'n Safar hee Nahin Raha
Meri Kisi Duaa Main Asar hee Nahin Raha
Jab Se Huyee Hai Dil Ko Khabar Hijar e Yaar Ki
Lafzon Ko Jornay Ka Hunar hee Nahin Raha
Tu Kya Chala Gaya K Main sab kuch hee Kho Chuka
Manzil ko chhor de K Safar hee Nahin Raha
Awaargi Main Lutf Kahan ab Azaab Hai
Par Kya Karoonga Loat K, Ghar hee Nahin Raha
Gintii K Din Hain Mout Main Lakin Ye Waqt Bhi
Kuchh aisey Tham Gaya Hai Guzar hee Nahin Raha
Dafnaa Do Mujhko Mout Se Pehle hii dosto
Ab mai Kisi Ka Jaan e Jigar hee Nahin Raha