Mere Qatil Ko Pukaro Ke Main Zinda Hoon Abhi..!!
Phir Se Maqtal Ko Sanvaro Ke Main Zinda Hoon Abhi..!!
Ye Shab-e-Hijr Tu Saathi Hay Meri Barson Ki
Jao So Jao sitaaro Ke Main Zinda Hoon Abhi
Ye Preshaan Se Gaiso Nahin Dekhe Jatay
Apni Zulfon Ko Sanvaro Ke Main Zinda Hoon Abhi
Lakh Moujon Main Ghira Hon Abhi dooba Tu nahin
Mujh Ko sahil se Pukaro Ke Main Zinda Hoon Abhi
Qabr Se Aaj Bhi Tanha Yahi Aati Hay Sadaa
Tum Kahan Ho Mere Yaro Ke Main Zinda Hoon Abhi..!!