agar wo meherbaan hota
tu mairi aankhon main na jhilmilati ye nami hoti
na mairay dil ki wadi main khizaan ka qaafila ruktaa
agar wo meherban hota!
mairi bay noor aankhon main
sitaaray qaid kardaita
mairi zakhmi hathaili pr koi ek phoor rakh daita
mairay haathon ko apnay haathon main lay kar wo ye kehta
muhabbat roshni hay
khushboo hay sitaaraa hay
qasam mujh ko mohabbat ki
mujhay too sab say pyaara hay!
magar aisa wo tab kehtaa!
agar wo meherbaan hotaa!