Ye Chuban Akele Pan Ki
Ye Lagan Udaas Shab Say
Me Hawa Se Lar Raha Hun
Tujhy Kya Bataon Kab Se
Ye Sehar Ki Sazishain Thin
Ke Ye Intaqam-e-Shab Tha
Mujhy Zindagi Ka Suraj
Na Bacha Saka Ghazab Se
Tere Naam Se Shafa Ho
Koi Zakhm Wo Ataa Kar
Mere Naama Bar ! Milay To
Use Kahna Ye Adab Se
Wo Jawan Ruton Ki Shamain
Kahan Kho Gain Hain Sagar
Me To Bujh Ke Rah Gaya Hun
Wo Bichar Gaya Hay Jab Se