Thokar Ke Bina Log Guzar Kion Nahin Jatey
Pathar Ho Muqabil To Thehar Kion Nahin Jatey
Es Shehar Ke Jugnoon Bhi Chalavay Hain Nazar Ke
Phir Log Sar-E-Shaam Hi Ghar Kion Nahin Jatey
Tum Nay To Giraya Hai Mujhay Apni Nazar Say
Tum Meri Nighaon Say Utar Kion Nahin Jatey
Mar Mar Ke Jiye Jatey Hain Sadkon Ke Kinarey
Marna Hi Zaroori Hai To Mar Kion Nahin Jatey
Mohsin Ko Hi Maatoob Kia Jata Hai Aksar
Ilzaam Kabhi Us Ke Bhi Sar Kion Nahin Jata