Kar Na Dunya-e-Gham Ke Hawale Mujh Ko
Main Tabassum Hun To Honton Pe Saja Le Mujh Ko
Tu Mila Hay To Yahi Khof Laga Rahta Hay
Tera Milna Kisi Uljhan Main Na Daale Mujh Ko
Is Yaqeen Par He Andheron Main Safar Jaari Hai
Mil He Jain Ge Kisi Roz Ujale Mujh Ko
Teri Nafrat Ne To Majboor Kiya Jeene Par
Ab Tera Pyaar Kahain Maar Na Daale Mujh Ko
Be Niazi Ka Ye Andaaz Nahe Kuch Bhi Wasi
Baat To Tab Hay Wo Dil Se Nikale Mujh Ko