[FONT="Comic Sans MS"]Iss zamaanay say na ham koi gilaa rakhain gay
Dil lagayein gay to na shart-e-wafa rakhain gay
Na dikhayein gay kabhi dil pay lagay zakhm unhaein
Dard uthay ga magar dil ko daba rakhain gay
Jaan day dain gay agar aik ishaara ker dain
Ham usay apnay liye bhi na bacha rakhain gay
Sab hata dain gay teri rah ki rukawat hamdam
Ghar kay darwazay ko her waqt khula rakhain gay
Unki her baat ko bhoolay say na bhoolain gay kabhi
Unki yaadon ko bhi seenay say laga rakhain gay
Toot bhi jaayegi umeed jo teray aanay ki
Ik diya phir bhi hawaaon main jala rakhain gay
Khak ho jayein gay yeh duniya waalay
Jalnay walon ko bhi ham aour jala rakhain gay[/font]
And Your Lord Never Forget
Last edited by Zafina; 03-01-2010 at 05:49 PM..