Woh tera roothna mujh se,mera tujh ko mana lena
Muhabbat ki nishani hai,galay mujh ko laga lena
.
.
Muhabbat jiss se hoti hai,ussi pe maan hota hai
Kabhi main rooth jaaun tau mujhe tum bhi mana lena
.
.
Anaa se door hi rehna,k yeh sab kuch mita day gi
Anaa k khol se khud ko har surat bacha lena
.
.
Muhabbat k samundar mein ik tufan bhi uthta hai
Is tufan mein jaanam mujhe kashti bana lena
.
.
Agar doobain gay hum dono tau ik sath doobain gay
Mera tum se yeh waada hai,magar tum bhi nibha lena...!!!