[!~*AdOrAbLe*~!]

Gham-e-Zindagi Teri Raah Mein,
Shab-e-Aarzoo Teri Chaah Mein.

Jo Ujarr Gaya Woh Basa Nahi,
Jo Bichar Gaya Woh Mila Nahi.

Jo Dil-o-Nazar Ka Saroor Tha,
Mere Paas Reh K Bhi Door Tha
.
Wohi Ek Gulaab Umeed Ka,
Meri Shaakh-e-Jaan Pe Khila Nahi.

Mera Humsafar Jo Ajeeb Hai,
To Main Bhi Hoon Ajeeb Tar.

Usay Manzilon Ki Khabar Nahi,
Mujhe Raaston Ka Pata Nahi.

Pas-e-Karwaan, Sar-e-Rahguzar,
Main Khara Hoon To Is Liye.

K Qadam To Sab Se Mila Liye,
Mera Dil Kisi Se Mila Nahi.