[!~*AdOrAbLe*~!]

Ishq sehra hai ke darya kabhi sochey wo bhi
Us se kya hai mera naata kabhi sochey wo bhi


Haan main tanha hoon ye iqrar bhi kar leta hoon
Khud bhi wo tanha hai kitna kabhi sochey wo bhi


Ye alag baat hai ke jataya nahi maine us ko
Warna kitna usey chaha kabhi sochey wo bhi


Usey awaz likha ,chand likha, phool likha
Maine kya kya usey likha kabhi sochey wo bhi


Mutmain hoon usey lafzon ki hararat de kar
Maine kitna usey socha kabhi sochey wo bhi