[Owi]

Zindagi bhar teray honton ka tabassum dekhoon
Ishq ko teray khad-o-khaal mein peehum dekhoon

Tu meri zaat pay chaaya hai samander ki terhan
Doob jaaoon jo teri aankh k qulzum dekhoon

Apnay saaye mein tera aks nazer aaye mujhay
Apni saanson mein teray piyaar ki sargum dekhoon

Tu k tunhaai mein bhi saath nibhaata hai mera
Phir bata aisay mein kiun ker tujhay kam kam dekhoon ?

Kabhi deriya, kabhi khushboo, to kabhi baad-e-naseem
Kaisa kaisa tera jalwa meray humdum dekhoon ?

 

---

•||•––––•||•––•Owi•––•||•––––•||•