[Owi]

Teri baatein meray mehram
Hein meray waastay aisi
K jaisay ajnabi koi
Kisi un-dekhi manzil k
Kisi lambay safer per
Bina Zaad-e-safer k
Junoon ko rahnumaa tasleem ker k
Bina sochay bina samjhay
Akayla chal para ho
Bohat sa faasla tay ker chuka ho
Mayaan-e-raasta us ko
Kisi sehra ka yak-dam saamna ho
Or apni wehshi fitrat say
Bohat mujboor ho k
Wo is sehra mein bohat aagay nikal aaye
Thakan say choor ho jaaye
Wo apni piyaas k aagay
Bohat mujboor ho jaaye
Faqat ik ghoont paani hi
Ab us ki zindagi thehray
Achaanak do qadam k faaslay per
Bohat thanday, bohat meethay say paani ka
Koi chashma nazer aaye

TERI BAATEIN MERAY MEHRAM
HEIN MERAY WAASTAY AISI ... !

 

---

•||•––––•||•––•Owi•––•||•––––•||•