[Owi]

-:||:- Aitayraaf-e-mohabbaT -:||:-

-:||:- Valentine's Special -:||:-

Lo aao k raaz-e-pinhaan ko ruswaa-e-hikaayat kerta hoon
Damaan-e-zabaan khaamoshi ko labraiz shikaayat kerta hoon
Ghabra k hujoom-e-ghum say aaj afshaa-e-haqeeqat kerta hoon
Izhaar ki jurrat kerta hoon
Main tum say mohabbat kerta hoon

Fiker aabaad duniya mein meri, ik masjood afkaar ho tum
Shairistaan-e-hasti mein meri, ik maabood ashaar ho tum
Or meray parastish-e-zaar dil mein ik butt sheereen kaar ho tum
Main jis ki ebaadat kerta hoon
Main tum say mohabbat kerta hoon

Muddat say mohabbat kerta hoon so jaan say tum per merta hoon
Raaton ko main rota rehta hoon, raaton ko main aahein bharta hoon
Haan raaton ko aahein bharta hoon, par tum say kehtay derta hoon
Aaj is ki jisaarat kerta hoon
Main tum say mohabbat kerta hoon

Hasrat bhari firyaadon ko meri baaghon ki fizaayein jaanti hein
Firyaad say labraiz aahon ko sehra hi hawaayein jaanti hein
Or meray machaltay aansoo’on ko saawan ki ghataayein jaanti hein
Izhaar-e-haqeeqat kerta hoon
Main tum say mohabbat kerta hoon

Jis din say tumhein dekha hai so aarzooein bay-taab si hein
Din hein to bay-aaraam say hein, raatein hein to bay-khuwaab si hein
Aankhon talay her dam phirti hein wo saa’adein jo mehtaab si hein
Yaad un ki sabaahat kerta hoon
Main tum say mohabbat kerta hoon

Tum chaand say berh ker roshan ho, zohra ki qasam, taaron ki qasam
Tum phool say berh ker rungeen ho, fitrat k chaman zaaron ki qasam
Tum sab say haseen ho duniya mein, duniya k nazaaron ki qasam
Duniya say main ghaflat kerta hoon
Main tum say mohabbat kerta hoon

Ger hukum do roshan taaron ko main laa k jhuka doon qadmon per
Jannat ka shagufta phoolon ki jannat si basa doon qadmon per
Sajda-gah mehar-o-maah ko bhi sajday mein gira doon qadmon per
Naa-cheez hoon himmat kerta hoon
Main tum say mohabbat kerta hoon.

 

---

•||•––––•||•––•Owi•––•||•––––•||•