|
|
|
Posts: 1,063
Country: 
Star Sign: 
Join Date: Dec 2008
Location: In Heart of people
Gender: 
|
|
|
mere saath tum bhii duaa karo yun kisii ke haq mein buraa na ho
kahiin aur ho na ye haadasaa koii raaste mein judaa na ho
mere ghar se raat kii sej tak vo ik aansuu kii lakiir hai
zaraa barh ke chaand se puuchhanaa vo isii taraf se gayaa na ho
sar-e-shaam Thaharii huii zamiin, aasamaan hai jhukaa huaa
isii mor par mere vaaste vo charaag le kar kharaa na ho
vo farishte aap hii dhuundhiye kahaaniyon kii kitaab mein
jo buraa kahen na buraa sune koii shakhs un se Khafaa na ho
vo visaal ho ke firaaq ho terii aag mahakegii ek din
vo gulaab ban ke khilegaa kyaa jo charaag ban ke jalaa na ho
mujhe yuun lagaa ki Khaamosh Khushbuu ke hont titalii ne chhuu liye
inhiin zard patton kii ot mein koii phuul soyaa huaa na ho
|