Woh shaqs kabhi dasht se guzre usay kehna
ik pal mere ghar main bhi wo thehre usay kehna
Kehna k samander k kinaare pe na jaaye
Kuch log smander se hain gehre usay kehna
Zarkhaiz zameenen kabhi banjar nahi hotin
Dariya hee badal lete hain raste usay kehna
Kuch log safar k liye mouzoo nahi hote
Kuch raaste kat'te nahi tanha usay kehna
Is shaher me kuch keh k gunahgaar na hona
basti k sabhi log hain behre usay kehna
Phir waqt k maqtal me sajti hain wo aankhen
Jo dekhti hain khwaab sunehre usay kehna.