MeraForum Community.No 1 Pakistani Forum Community - View Single Post - مہ جبینوں کی اداؤں سے الجھ بیٹھا ہوں
View Single Post
(#1)
Old
PRINCE SHAAN PRINCE SHAAN is offline
 


Posts: 7,688
My Photos: ()
Country:
Join Date: Jul 2010
Location: PAKISTAN
Gender: Male
rose مہ جبینوں کی اداؤں سے الجھ بیٹھا ہوں - >>   Show Printable Version  Show Printable Version   Email this Page  Email this Page   01-13-2021, 04:40 PM





مہ جبینوں کی اداؤں سے الجھ بیٹھا ہوں


مہ جبینوں کی اداؤں سے الجھ بیٹھا ہوں
اس کا مطلب ہے بلاؤں سے الجھ بیٹھا ہوں



باب تاثیر سے ناکام پلٹ آئی ہے
اس لئے اپنی دعاؤں سے الجھ بیٹھا ہوں



تیری دہلیز پہ جھکنے کا سوال آیا تھا
میں زمانے کی اناؤں سے الجھ بیٹھا ہوں



جو مسافر کے لئے باعث تسکین نہیں
ایسے اشجار کی چھاؤں سے الجھ بیٹھا ہوں



جو غریبوں کا دیا پھونک کے تھم جاتی ہے
ایسی کم ظرف ہواؤں سے الجھ بیٹھا ہوں



اب تری گود کے پالوں میں بھی احساس نہیں
بس یہی سوچ کے گاؤں سے الجھ بیٹھا ہوں



عرش والے مری توقیر سلامت رکھنا
فرش کے سارے خداؤں سے الجھ بیٹھا ہوں



اپنے قاتل سے الجھنے کا ارادہ کر کے
لوگ کہتے ہیں خلاؤں سے الجھ بیٹھا ہوں



ایک کم ظرف کی بے ربط جفا کی خاطر
شہر والوں کی وفاؤں سے الجھ بیٹھا ہوں



تیری دستار سے کاظمؔ میں الجھ نہ پاتا
بس یہی سوچ کے پاؤں سے الجھ بیٹھا ہوں

 

Reply With Quote Share on facebook
Sponsored Links