[waheed ahmed]

Nazm

teri dahleez se shab ke aasmaaN tak
shab ke aasmaaN se derr-e-kahkashaaN tak
chandnii bikher rahi he
zindagi nikhar rahii he
zaaeche ben rahe haiN
zaaeqe badal rahe haiN
nafrataiN mitt raheeN haiN
muhabbataiN machal rahi haiN
derd ke goshaware simet rahe haiN
baaziiyaaN ulatt rahi haiN
sang-e-dostaaN se saf-e-dushmanaaN tak
saf-e-dushmanaaN se aahang-e-jahaaN tak
meeraas jaise mil gaii he
raftaar jese themm gaii he
dill dhaDak dhaDak rahaa he
saans jaise ruk gaii he
khatam huwa he aarzoo kaa safar
ab ham jashn manaa rahe haiN
apne khyaal ke butt kaday maiN
Khudaa ko sajde kar rahe haiN
dill ju kho chuka thaa ek shaam
ab wo wapis mil giaa he
safeer-e-kaarwaaN se
khatm-e-safer kaa hukam ho giaa he
iss safar se us safer tak
iss zamaaN se us zamaaN tak
thak gaye tu so gaye
sukh mile thay bhool gaye
dukh mile thay ro liye
kabhi is ke sang ho liye
kabhi us ke sang ho liye
hasratouN ko daagh-e-dil keh diyaa
kabhi aansounouN se daagh-e-dil dho liye
tere aastaaN se mere aastaaN tak
teri dahleez se shab ke assmaaN tak
shab ke aasmaaN se derr-e-kehkashaaN tak

 

---

Last edited by waheed ahmed; 05-08-2014 at 12:00 AM..

[(‘“*JiĢäR*”’)]

Very Nice

 

---

დ∫დ→◄●♥●►↔ǺήĐằŽ~◊Ệ◊~ßάΫǻЙ↔◄●♥●►←დ∫დ