[Owi]

-:||:- Koi Taabeer Do Mujh Ko -:||:-

-:||:- Mujhay Tum Ko Bataana Hai -:||:-


Mujhay tum ko bataana hai .....

Kabhi jab hijr k baadal
Meri weeraan aankhon say
Yaqeen ko bay-dakhal ker k
Mujhay bay-hosla ker dein
Hawaayein mujh tak aati hein
Tumhaaray lout aanay ka sundaysaa saath laati hein
Tumhaara naam layti hein
Mujhay phir thaam layti hein


Kabhi aisa bhi hota hai
Meray dil k andhayron mein
Tumhaari yaad k jugnoo
Kabhi damm tor jaayein to
Amaawas raat laayein to
Hawaayein phir say aati hein
Yaqeen k kuch naye jugnoo bhi apnay saath laati hein
Tumhaara naam layti hein
Mujhay phir thaam layti hein


Ager aisa bhi ho jaaye
Duaa mein haath utthein hon
Shikasta lafz hon saaray
Bheegay hurf hon saaray
Hamayshah ki terhan tum ko
Khuda say maangta jaaoon
Or apnay paas paa ker bhi
Main tum ko saath na paaoon
bohat maayoos ho jaaoon
Hawaayein phir say aati hein
Wo ye payghaam laati hein
K tum meray ho, meray ho
Tumhaaray lums ki khushboo mujhay inaam kerti hein
Tumhaara naam layti hein
Mujhay phir thaam layti hein .....

 

---

•||•––––•||•––•Owi•––•||•––––•||•