[beyond_vision]

Asalam O Alaikum Everyone!
As you all know that Tomorrow is the Birth Anniversary of Dr. Allama Muhammad iqbal who revolutionized the whole Nation with his Remarkable poetry and paved a way for the Independence of Pakistan. I recently read that article which I found quite relevent In accordance with Iqbal day. After reading the article, I would encourage you all to Post in this thread something related to Iqbal: Be it about His Vision, His poetry, His way of Thinking on the Meaning of Ummah Or your own Thoughts about His message and if Its applicable in today's era or not.!

علامہ اقبال 9 نومبر 1877ء (بمطابق 3 ذیقعد 1294ھ) کو برطانوی ہندوستان کے شہر سیالکوٹ میں شیخ نور محمد کے گھر پیدا ہوئے۔ ماں باپ نے نام محمد اقبال رکھا۔ مختلف تاریخ دانوں کے مابین علامہ کی تاریخ ولادت پر کچھ اختلافات رہے ہیں لیکن حکومت پاکستان سرکاری طور پر 9 نومبر 1877ء کو ہی ان کی تاریخ پیدائش تسلیم کرتی ہے۔اقبال کے آبا ؤ اجداد اٹھارویں صدی کے آخر یا انیسویں صدی کے اوائل میں کشمیر سے ہجرت کر کے سی
الکوٹ آئے اور محلہ کھیتیاں میں آباد ہوئے۔علامہ نے ابتدائی تعلیم سیالکوٹ میں ہی حاصل کی اور مشن ہائی سکول سے میٹرک اور مرے کالج سیالکوٹ سے ایف اے کا امتحان پاس کیا۔ زمانہ طالبعلمی میں انھیں میر حسن جیسے استاد ملے جنہوں نے آپ کی صلاحیتوں کو بھانپ لیا۔ اور ان کے اوصاف خیالات کے مطابق آپ کی صحیح رہنمائی کی۔

شعر و شاعری کا شوق بھی آپ کو یہیں پیدا ہوا۔ اور اس شوق کو فروغ دینے میں مولوی میر حسن کا بڑا دخل تھا۔ایف اے کرنے کے بعد آپ اعلیٰ تعلیم کے لیے لاہور چلے گئے اور گورنمنٹ کالج لاہور سے بی اے اور ایم اے کے امتحانات پاس کیے یہاں آپ کو پروفیسرآرنلڈ جیسے فاضل شفیق استاد مل گئے جنہوں نے اپنے شاگرد کی رہنمائی میں کوئی کسر اٹھا نہ رکھی۔ 1905 میں علامہ اقبال اعلیٰ تعلیم کے لیے انگلستان چلے گئے اور کیمبرج یونیورسٹی میں داخلہ لے لیا اور پروفیسر براؤن جیسے فاضل اساتذہ سے رہنمائی حاصل کی۔ بعد میں آپ جرمنی چلے گئے جہاں میونخ یونیورسٹی سے آپ نے فلسفہ میں پی ایچ ڈی کی ڈگری حاصل کی۔ابتداء میں آپ نے ایم اے کرنے کے بعد اورینٹل کالج لاہور میں تدریس کے فرائض سرانجام دیئے لیکن آپ نے بیرسٹری کو مستقل طور پر اپنایا۔

وکالت کے ساتھ ساتھ آپ شعروشاعری بھی کرتے رہے اور سیاسی تحریکوں میں بھرپور انداز میں حصہ لیا۔ 1922ء میں حکومت کی طرف سے سر کا خطاب ملا۔1926ء میں آپ پنجاب لیجسلیٹو اسمبلی کے ممبر چنے گئے۔ آپ آزادی وطن کے علمبردار تھے اور باقاعدہ سیاسی تحریکوں میں حصہ لیتے تھے۔ مسلم لیگ میں شامل ہوگئے اور آل انڈیا مسلم لیگ کے صدر منتخب ہوئے آپ کا الہ آباد کا مشہور صدارتی خطبہ تاریخی حیثیت رکھتا ہے اس خطبے میں آپ نے پاکستان کا تصور پیش کیا۔ 1931ء میں آپ نے گول میز کانفرنس میں شرکت کرکے مسلمانوں کی نمائندگی کی۔ علامہ اقبال اور قائداعظم کی ان تھک کوششوں سے ملک آزاد ہوگیا اور پاکستان معرض وجود میں آیا۔ لیکن پاکستان کی آزادی سے پہلے ہی 21 اپریل 1938ء(بمطابق 20 صفر 1357ھ) میں علامہ انتقال کر گئے تھے۔ لیکن ایک عظیم شاعر اور مفکر کے طور پر قوم ہمیشہ ان کی احسان مند رہے گی۔ جس نے پاکستان کا تصور پیش کرکے برصغیر کے مسلمانوں میں جینے کی ایک نئی آس پیدا کی۔

شاعر مشرق علامہ اقبال حساس دل و دماغ کے مالک تھے آپ کی شاعری زندہ شاعری ہے جو ہمیشہ مسلمانوں کے لیے مشعل راہ بنی رہے گی۔ یہی وجہ ہے کہ کلام اقبال دنیا کے ہر حصے میں پڑھا جاتا ہے ۔ اقبال نے نئی نسل میں انقلابی روح پھونکی اور اسلامی عظمت کو اجاگر کیا۔ ان کے کئی کتابوں کے انگریزی ، جرمنی ، فرانسیسی، چینی ، جاپانی اور دوسری زبانوں میں ترجمے ہو چکے ہیں۔ جس سے بیرون ملک بھی لوگ آپ کے معترف ہیں۔ بلامبالغہ علامہ اقبال ایک عظیم مفکر مانے جاتے ہیں۔اقبال کو حضورؐ سے جو والہانہ عشق ہے اس کا اظہار اس کی اردو اور فارسی کے ہر دور میں ہوتا رہا ہے۔ اقبال کی انفرادیت ہے کہ انہوں نے اردو فارسی دونوں زبانوں میں مدح رسول اکرمؐ کو ایک نئے اسلوب اور نئے آہنگ کے ساتھ اختیار کیا۔

اقبال کی طبیعت میں سوز و گداز اور حب رسول ؐاس قدرتھا کہ جب کبھی ذکر رسولؐ ہوتا تو آپ بے تاب ہو جاتے اور دیر تک روتے رہتے۔ روزگار فقیر میں سید وحید الدین لکھتے ہیں۔اقبال کی شاعری کا خلاصہ جو ہر اور لب لباب عشق رسولؐ اور اطاعت رسولؐ ہے۔ ان کا دل عشق رسولؐ نے گداز کر رکھا تھا زندگی کے آخری زمانے میں یہ کیفیت اس انتہا کو پہنچ گئی تھی کہ ہچکی بند جاتی۔ آواز بھرا جاتی تھی اور وہ کئی کئی منٹ سکوت اختیار کر لیتے تھے۔ تاکہ اپنے جذبات پر قابو پا سکیں۔عشق و محبت کا یہ مرتبہ ایمان کا خلاصہ ہے۔ اتباع رسولؐ کے بغیر محبت رسولؐ ناممکن ہے۔ آپؐ کی ذات گرامی رحمتہ اللعالمین تھی۔ اس لئے مومن کو بھی رحمت و شفقت کا آئینہ ہونا چاہیے۔

اقبال فرماتے ہیں کہ مسلمان کی سرشت ایک موتی کی طرح ہے جس کو آب و تاب بحرِ رسولؐ سے حاصل ہوتی ہے۔ یہی وجہ ہے کہ اقبال اسوہ حسنہ کی تقلید کا سبق دیتے ہوئے کہتے ہیں کہ اے مومن تو باغِ مصطفویٰؐ کی ایک کلی ہے۔ بہار مصطفویٰؐ کی ہواؤں سے کھل کر پھول بن جاؤ۔اقبال کے نزدیک خالق کائنات نے جب اس دنیا میں اپنی کاریگری کا آغاز کیا اور حضرت انسان کی شکل میں اپنے چھپے ہوئے خزانے کو عیاں کیا پھر جب ارتقاء کے منازل طے ہوتے گئے اور قوائے انسانی اپنے پورے کمال پر آگئے تو رب العالمین نے محمدؐ کو معبوث فرمایا۔ جو سب کے لئے رحمت ، ہادی ، راہ نما ، اور مہربان تھے۔کلام اقبال میں عشق رسولؐ کے اظہار میں جو شیفتگی و وارفتگی کا جذبہ پایا جاتا ہے۔

وہ بزرگانِ دین کا فیضانِ نظر تھا۔ اس میں مکتب کی کرامت کا دخل نہیں تھا۔ آپ کے کلام میں شیخ عطار ، نظام الدین اولیا ؒ، حضرت مجدد الف ثانی ؒ، مولانا رومؒ، اور امام غزالی ؒکا تذکرہ اس امر پر شاہد ہے۔ اقبال ایک جگہ فرماتے ہیں کہ میں نے اپنی تمام تر عقل اور فلسفہ دانی کو نبی کریمؐ کے قدموں میں ڈھیر کر دیا ہے۔ اقبال کے ذہن میں عشق و مستی کا اوّل اور آخری محور ایک ہی ہونا چاہیے اور وہ محور ہے نبی کریمؐ کی ذات جو ذاتِ تجلیات ہے۔

نگاہِ عشق و مستی میں وہی اوّل وہی آخر

وہی قرآں وہی فرقاں وہی یٰسین وہی طہٰ

جس دور میں اقبال نے شکوہ اور جواب شکوہ جیسی نظمیں تخلیق کیں وہ مسلماناں عالم کے لئے ایک عالمگیر انحطاط و انتشار کا زمانہ تھا اقبا ل مسلمانان عالم کی اس عمومی صورت حال پر ہمہ وقت بے تاب و بے قرار رہتے تھے۔ جواب شکوہ لکھنے سے کچھ عرصہ پیشتر اقبال نے طرابلس کے شہیدوں کے حوالے سے ایک نظم حضور رسالت مآب لکھی۔ اقبال کا مطالعہ اسلام اور قرآن بہت ہی اچھا تھا۔ انہوں نے اپنی شاعری میں آیاتِ قرآنی کو جگہ دی ہے۔ کیونکہ اقبال کو پتہ تھا کہ اللہ کی کتابوں میں یہ آخری اور واحد کتاب ہے جس میں تبدیلی اور غلط بیانی کسی کے بس کی بات نہیں۔ اور اس کی خالص شکل لوح محفوظ میں موجود ہے اور اسی قرآن میں اللہ تعالیٰ فرماتے ہیں کہ

ترجمہ: اے نبی کہہ دو کہ اگر تم اللہ سے محبت کرتے ہو تو میری تا بعداری کرو۔

اقبال کے نزدیک اسوہ نبویؐ کے اتباع کے بدولت ہی ہم مکارم الاخلاق سے آراستہ ہو سکتے ہیں اسی وجہ سے ہمارے دلوں میں کشادگی اور نور اور تجلیات خداوندی جگہ پا سکتی ہے۔ اقبال فرماتے ہیں

درد دل مسلم مقام مصطفےٰ است

آبروئے ماز نامِ مصطفی است

اقبال فرماتے ہیں کہ اس دنیا کی تخلیق کی اصل وجہ ذات نبیؐ ہے ۔ علامہ اقبال خوددار تھے ، شاہین صفت تھے ، شفیق تھے ، مرد مومن تھے ، صاف گوتھے ،جمہوریت پسند تھے۔

(By A. Baasit)

 

---

[Zafina]

Great Scholar,Great Poet and a Powerful Muslim.... May ALLAH grant Him Jannah. Ameen

Indeed He gave us so much to think.

Ya ALLAH Ager in ki Shayari say kisi ek bandey nay bhi teri Raah Paye hay tu usey ku in ki NeJaat ka zarya bana de aur In per Baray din ka Hisaab Asan ker Amen.

 

---

And Your Lord Never Forget

[beyond_vision]

Originally Posted by Zafina

Great Scholar,Great Poet and a Powerful Muslim.... May ALLAH grant Him Jannah. Ameen

Indeed He gave us so much to think.

Ya ALLAH Ager in ki Shayari say kisi ek bandey nay bhi teri Raah Paye hay tu usey ku in ki NeJaat ka zarya bana de aur In per Baray din ka Hisaab Asan ker Amen.

Beautiful Thoughts shared from your side Zafina sis. I completly agree with u on that!

 

---

[Noor ul huda]

Beautiful sharing sis

 

---

[center]

[SIGPIC][/SIGPIC]

[DeV!L]

very usefull sharing thanks alot ..

 

[beyond_vision]

Thanks Noor sis and Devil for taking time to read it and for your appreciation!

 

---

[!~*SOoLi]

ایک عظیم شاعر، ادیب، دانشور اور معمار قوم، افسوس سد افسوس آجکل انکا مقام ہم بھلا بیٹھے ہیں
کچھ ہی دن پہلے ایک ٭ ٹاک شو ٭ میں حسن نثار نامی تجزیہ نگار نے انکے لیے گستاخانہ کلمات بولے تھے
اللہ اسے بھی ہوش کے ناخن دے اور جو لوگ راہ حق میں انکی خدمات فراموش کر چکے ہیں انکو بھی فہم عطا کرے

 

---

Chal Fiqr Noo Goli Maar Yaar Hain Din Jindri Day Chaar!

[!~*SOoLi]

Informative Article by A.Baasit, Thanks For Sharing and Reminding us Iqbal Day

 

---

Chal Fiqr Noo Goli Maar Yaar Hain Din Jindri Day Chaar!

[beyond_vision]

Originally Posted by !~*SOoLi

ایک عظیم شاعر، ادیب، دانشور اور معمار قوم، افسوس سد افسوس آجکل انکا مقام ہم بھلا بیٹھے ہیں
کچھ ہی دن پہلے ایک ٭ ٹاک شو ٭ میں حسن نثار نامی تجزیہ نگار نے انکے لیے گستاخانہ کلمات بولے تھے
اللہ اسے بھی ہوش کے ناخن دے اور جو لوگ راہ حق میں انکی خدمات فراموش کر چکے ہیں انکو بھی فہم عطا کرے

Hasan Nisaar? Kahi'n yeh "Choraha" Naami Program k Host to nahi? What was his point of view regarding Iqbal and why he has Objections on him or his philosophy?

 

---

[beyond_vision]

and BTW, thanks for taking time to read the article and to comment on it!

 

---