[bint-e-masroor]

سعودی عرب کے بادشاہ شاہ فیصل ایک سرکاری دورے پر برطانیہ تشریف لے گئے۔ کھانے کی میز پر انتہائی نفیس کراکری کے ساتھ چمچ اور کانٹے بھی رکھے ہوئے تھے۔ دعوت شروع ہوئی۔ سب مدعوین نے چمچ اور کانٹے کا استعمال کیا لیکن شاہ فیصل نے سنت نبوی صلی اللہ علیہ وسلم کے مطابق ہاتھ ہی سے کھانا تناول کیا۔ ضیافت کے اختتام پر کچھ صحافیوں نے شاہ سے چمچ استعمال نہ کرنے کے بارے میں دریافت کیا۔ شاہ فیصل نے سوچا کہ اگر میں انہیں یہ کہوں کہ یہ میری نبی صلی اللہ علیہ وسلم کی سنت ہے تو شاید انہیں سمجھ نہ آئے کیونکہ یہ دلیل کو زیادہ اہمیت دیتے ہیں تو انہوں نے کہا کہ میں اس چیز یعنی چمچ کا استعمال کیوں کروں جو آج میرے منہ میں ہے اور کل کسی اور کے منہ میں جائے گا۔ یہ ہاتھ کی انگلیاں تو میری اپنی ہیں۔ یہ تو ہمیشہ میرے ہی منہ میں جائیں گی۔ اس لیے میں اپنے ہاتھ سے کھانے کو ترجیح دیتا ہوں۔
13

 

---