[SHAYAN]

Humesha Muskura Kay Aansooun Ko Chupaya
Ghum Ko Chupanay Ka Yehi Rasta Nazar Aaya

Kis Kis Ko Batatey Behtey Ashkon Ka Sabab
Kay Derd-E-Dil Dil Main Kis Nay Jagaya

Mehfilon Main Kahin Bhi Maza Na Raha
Rakha Dil Pay Pather To Khud Ko Sajaya

Baat Bay Baat Apni Aanhain Daba Ker
Yaron Kay Dermiyan Kis Qadar Muskuraya

Na Thi Chah Kabhi Mujhey Mankashi Ki
Jaam-E-Wafa Kisi Bay Wafa Nay Pilaya

Kya Muqadar Say Shikwa Kertey Rahain
Jo Qismat Main Tha Wohi Kuch To Paaya

Yeh Kis Mor Pay Aagaee Hain Umeedain
Kay Saaya-E-Manzil Nazar Main Na Aaya

Apnoon Nay Palat Kay Daykha Tak Nahin
Ghairon Nay Aaker Galay Say Lagaaya

Acha Hua Kay Raaz Khul Hi Gaya
Dil-E-Nadaan Pay Khanjar Kis Nay Chalaya

Shab-O-Roz Chahat Sila Yeh Hay Tanha
Dil Kay Tukrey Huay Wo Chunney Na Aaya ....