[ShArArTi MuNdA]

Dheerey Say Sirakti Hai Raat Uss Ke Aanchal Ki Tarah
Uss Ka Chehra Nazar Aata Hai Jheel Mein Kanwal Ki Tarah

Baad Muddat Uss Ko Daikha To Jism-o-Jaan Ko Yoon Laga
Piyasi Zameen Pay Jaisey Koi Baras Gaya Badal Ki Tarah

Roz Kehta Hai Seeney Pay Sar Rakh Ke Raat Bhar Sulaoon Ga
Sar-e-Shaam Hi Mujhey Aaj Phir Sula Gaya Woh Kal Ki Tarah

Uss Ka Sharmaana Bhi Mujhey Maaat Day Jaata Hai
Uss Ki To Har Adaa Hai Kisi Khamosh Qaatil Ki Tarah

Mairey Hi Dil Ka Makeen Nikla Woh Shakhs Aur Main
Shehar Bhar Mein Dhoodnta Raha Ussey Kisi Pagal Ki Tarah

Madhosh Sa Ho Jaata Hoon Jab Baarish Ki Boondein
Chairrhti Hain Koi Naghma Uss Ki Chanakti Payel Ki Tarah

Maira Sukhan Uss Ki Zaat Ka Mehwar Na Ho Tab Bhi
Woh Naazneen Woh Dil Nasheen Ho Ga Mehakti Ghazal Ki Tarah

Nahin Tha Khaarzaron Pay Tanha Be-sabab Safar Maira
Yaqeen Tha Mil Jaaye Ga Raah Mein Woh Manzil Ki Tarah ..........!