[Miss Habib]

Sochta hoon k mahfuz kar lun ise apne seenay mein lafz-o-bayaan ki tarah
ThoRi hi der mein yeh mulaqaat bhi Khatm ho jayegi dastan ki tarah

Yeh rafaaqat bahut mukhtasar hai merii hamsafar laa mere haath mein haath de
Tu havaa-e-sar-e-rahguzar ki tarah, main kisi nakhat-e-raayegaaN ki tarah

Haal zaalim shikaari ki soorat mujhe, vaqt ki zin se baandh kar le chala
Mera maazi mere saath chalta rahaa duur tak ek majbuur Maa ki tarah

Sang-e-aazaar ki baarishen tez thi, aur bachne ka koi tariqaa na tha
Raftaa raftaa sabhi ne saron par koii be-hisi taan li saayebaan ki tarah

Khuwahishon ke samandar se ek mauj uthi, aur sail-e-balaa-Khez banti gayi
Jism kashti ki maanind ulatne lage, pairahan ur gaye baadbaaN ki tarah

 

---

[SIGPIC][/SIGPIC]