[life]

محبٌت میں کبھی دورائے کا امکاں نہیں ہوتا
یہ ہوتی ہے تو ہوتی ہے
نہیں ہوتی تو جتنا بھی جتن کر لو،نہیں ہوتی
کوئی اچھا اگر لگ جائے تو سب خامیاں اُسکی
اچانک، خوبیوں کی اوڑھنی میں چُھپ سی جاتی ہیں
زمانہ لاکھ سمجھائے سنبھل جاؤ
وہ ایسا ہے وہ ویسا ہے
سمجھ میں کچھ نہیں آتا
سماعت اور بصارت کو سُجھائی کچھ نہیں دیتا
سمجھ آتا ہے اُس لمحے
کہ جب دامن میں لاکھوں چھید ہو جائیں
کبوتر کے پروں کے ساتھ لپٹے
سب عیاں جب بھید ہو جائیں
محبٌت میں کبھی دورائے کا امکاں نہیں ہوتا
یہ ہوتی ہے تو ہوتی ہے
!!... نہیں ہوتی تو جتنا بھی جتن کر لو،نہیں ہوتی