[Miss Habib]

Chhoota jo tera haath to hum toot k roye,
Tum jo na rahe saath to hum toot k roye,

Chahat ki tamanna thi aur zakhm diye tum ne,
Paai jo ye soghaat to hum toot k roye,

Imkaan na tha door talak tajdeed_e_talluq ka,
Dekhe jo ye halaat to hum toot k roye,

Anjaan thay hum ab tak dard ki soorat se,
Hoi jo mulaqaat tou hum toot k roye,

Jeeti thi sada hum ne her baazi tere saath,
Tanha jo sahi maat tou hum toot k roye,

Logon ne bohat poocha sabab weraani_e_dil ka,
Jub ho na saki baat to hum toot k roye,

Thi dhoop bohat taiz her simt judaai ki,
Barsi jo na barsaat to hum toot k roye,

Zad main tha khizaaon ki ab k dil_e_barbaad,
Bichhrre jo shajr-pat tou hum toot k roye,

Din bhar to rahe chup k duniya ki nazar thi,
Bheegi jo siyah raat tou hum toot k roye,

Samjha tha sada tujh ko apna he koi hissa,
Tukrron main bati zaat to hum toot k roye,

Hum kerte rahe aaj talak us chaand ki khwahish,
Yaad aai jo auqaat to hum toot k roye...!!!

 

---

[SIGPIC][/SIGPIC]