[PRINCE SHAAN]

تیرا انتظار بھی کیوں



بلا جواز رکھیں خود کو بےقرار بھی کیوں
جو تو نہیں ہے تو پھر تیرا انتظار بھی کیوں

اکیلے پن کا سفر جب مرا مقدر ہے
تو پھر اے وعدہء شکن تیری رہگزار بھی کیوں

اسے گنوا کے رہو اب خزاؤں کی زد میں
جو وہ نہیں ہے تو پھر موسمِ بہار بھی کیوں

اگر بھلائے ہوئے اس کو ایک عمر ہوئی
تو پھر یہ آج طبیعت ہے سوگوار بھی کیوں

وہ جن لبوں پہ یقین وفا مہک نہ سکے
پھر ان کے لمس کی خواہش ہو ایک بار بھی کیوں