[karwanpak]

ریوڈی جنیرو (کاروان ڈیسک) فٹ بال کے عظیم کھلاڑی پیلے کی گردوں سے متعلق ایک سرجری کے بعد حالت مستحکم ہے۔

دی برازیلین کے مطابق پیلے ساؤ پاؤلو کے ایک اسپتال میں زیر علاج ہیں۔ البرٹ آئنسٹائن کیلنک کے ایک اعلامیہ کے مطابق پیلے کے گردے سے پتھری نکال دی گئی ہے۔ ان کی حالت مستحکم ہے اور وہ تیزی سے صحت یاب ہو رہے ہیں۔

اعلامیہ میں مزید کہا گیا کہ پیلے ان ٹیسٹوں کے بعد سے اسپتال میں زیرِعلاج ہیں جن میں یہ انکشاف کیا گیا تھا کہ 74 سالہ کھلاڑی کے گردوں میں پتھری موجود ہے جس کے باعث ان کے پیشاب کے بہاؤ میں رکاوٹ پیدا ہورہی ہے۔

اسپتال نے یہ واضح نہیں کیا کہ پیلے کو کب ڈسچارج کیا جائے گا۔

 

---

Pakistan news karwan.no