[~wish munda~]

Yeh Jo Sham Dhal Rahi Hai
Isay Sehal b Na Jano
Yeh Thehar Gayi Jo Dil Mein
Yehi Shab Halakton Ki
Yehi Dopehar Ki Kari Hai
Pas-e-Gard-e- Ehd-o-Paimaan
Yeh Jo Hijr Ki Ghari Hai
Yeh Fishar-e-Jaan Ka Mausam
Yeh Jo Dil Giraftagi Hai
Yeh Jo Weham Hay Lahoo Mein
Yeh Jo Seham Aankh Mein Hay
Yeh Sinaan Si Waswasoon Ki
Jo Khayal Mein Gharri Hai
Yeh Jo Aik Khalish Wafa Ki
Tera Jaur Seh Gayi Hai
Yeh Jo"UnKahi Kahani"
Mery Dil Mein Reh Gayi Hai
Yeh Thakan Rahay Junoon Ki
Jo Utar Gayi Ragon Mein
Yeh Teri Meri Khushi Hai
Yeh Chiragh Chahton k
Jo Hawa Mein Jal Rahay Hain
Inhein Kab Talak Sambhalein?
Chalo Phir Se Torr Daalein
Vo Tamaam Ehd-o-Paimaan
k Main Tujh Mein Jee Raha Hoon
k Tu Mujh Mein Bus Rahi Hai
Chalo Phir Se Sochtey Hain
k Main Tujh Se Naa Shanasa
k Tu Mujh Se Ajnabi Hai
Vo Jo Rasm-e-Dosti Hai
Vo Rahay To Jaan Salamat
Na Rahay To Phir b Jaana
Tera Gham Sambhalney Ko
Abhi Zindagi Parri Hay

 

---

Tere Dil Main Meri Sanso Ko Panah Mil Jaey
Tere Ishq Main Meri Jaan Fana Ho Jaey