[Zindagi]

Mujhey tumney nahiN dekha,Mujhey tumney nahiN socha
na aankheiN hi paRhii meri,na lehja hii sunaa meraa
in aankhoN ney tou sadiyoN sey tumaahri raah dekhi hey
ujaaloN meiN, khayaaloN meiN tumhaari Chaah dekhi hey
haqeeqat kii tarah ik khaab meiN jab tumko paaya tha
tou pehlii baar Dil meiN aarzoo ney ghar banaaya tha
KhizaaN ki zard waadi ko bhara tha maiN ney Sandal sey
koii tasweer palkoN par meri khainchii thi kaajal ney
tumhaara haath thaamey aik soti jaagtii laRki
tamanna k jazeerey par hawaa meiN naachti laRki
tumhaarey saath jo rehti thi jheeloN meiN shikaaroN meiN
wuh yeh mehsoos karti thi sitaarey merey bas mein haiN
wisaal-o-hijr k sab marhalay ab dastras meiN heiN
dehaktey lams k lamhey ragoN meiN sarsaraatey they
laboN k Phool chehrey kii fazaa meiN Thehar jaate ytehy
badan ik kaaNptey pattey ki Surat dagmagaata thaa
Gulaabi rung, Titlii k paroN sey choohT jaata thaa
hawaa meiN an-kahey lafzoN k taarey raqs kartey they
magar jab ye khayaal aaya k ye sab khawaab heiN merey
faqat sapney heiN aankhoN k…..
meiN ik tanhaa musaafir huuN muhabbat ki kahaani meiN
mujhey tumney nahiN dekhaa, mujhey tumney nahiN sochaa
naa aankheiN hi paRheeN meri, na lehja hi sunaa mera
kabhi tumney mery doobey huwey dil ko saNbhaala hey
tumhaarey haath meiN sachhi muhabbat kaa payaala hey?
chalo yuNhi sahii, tum sey meri aankheiN nahiN boleeN
chalo yuNhi sahi,kuch uljhneiN Dil ki nahiN kholeeN
chalo yuNhi sahi merey dehaktey haath meiN barfaab mousam heiN

baRey talkhaab mousam heiN
chalo yuNhi sahi, mera saraapa hi nahiN sundar
kabhi merey laboN sey Phool bhi jhaRtey nahiN heiN
merii in jheel aankhoN meiN bhanwar paRtey nahiN heiN
chalo yuNhi sahii…… yuuN hi sahii
tum khoobsurat ho……… faqt tum khoobsoorat ho…!!

 

---