[dont depend on others]

Kissi se pyar karna ho,
kabhi nafrat jatana ho,
kissi ko yaad rakhna ho,
kissi ko bhool jaana ho,

hamesha bhool jata hoon

kissi _______ se koi
un kaha iqraar baki ho,
umandte aur machalte
pyar ka izhaar baki ho,
kabhi aankhon mein
guzri raat ka khumaar baki ho,
koi iqraar baki ho
koi inkaar baki ho,

hamesha bhool jata hoon

barhhana ho muhabbat ke
safar mein fasla jab bhi,
bhatak kar khud dikhana ho
kissi ko raasta jab bhi,
kissi ko yaad karvani ho jo
rasm-e-wafa jab bhi,
dikhana ho dissi bhi be wafa ko
aaina jab bhi,

hamesha bhool jata hoon

dikha kar jeet sab ko
dar haqeeqat maat deni ho,
ujale paas rakh kar
doston ko raat deni ho,
kissi ki khushk aankhon ko
koi barsaat deni ho,
koi soghaat leni ho
koi soghaat deni ho,

hamesha bhool jata hoon

kissi ke raaste mein
shok se aankhen bichani hon,
kissi ko un kahi aur un sunni
baten batani hon,
zamane ki kasoti par
wafaen aazmani hon,
kabhi shamen bhujani hon
kabhi shamen jalani hon,

hamesha bhool jata hoon

batana ho dissi ko ke
hamen uss se mohabbat hei,
jatana ho kissi ko ke
mohabbat ek zaroorat hei,
batana ho ke ham ko es
zaroorat ki zaroorat hei,
dilana ho kissi ko yaad ke
wo khoobsurat hei,

hamesha bhool jata hoon

kabhi bhi titliyon ke
jugnouon ke des jana ho,
ufaq ke paar ek chota sa
koi ghar banana ho,
mohabbat ke safar mein
zindagi ko gungunana ho,
kissi ko yaad karna ho
kissi ko yaad aana ho,

hamesha bhool jata hoon

hamesha bhool jata hoon