["K.G"]

Tumhain jab kabhi milain fursatain, mere dil say bojh utar do,

main bht dinon say udaas hun, mujhay koi shaam udhaar do,

mjhay apnay roop ki dhoop do, kay chamak sakain mere khad-o-khaal,

mjhay apnay rang main rang do, mere saaray zang utaar do,

kisi or ko mere haal say na koi garz hai na koi wasta,

main bikhar gaya hun samait lo, main bigar gaya hun sanwar do,

meri wehshaton ko barha dia hai judaiyon kay azaab nay,

mere dil par hath rakho zara, meri dharkanon ko qaraar do,

tumhain subah kaisi lagi kaho, meri khwahishon kay diyar ki,

jo bhali lagi to yaheen raho, isay chahaton say nikhar do,

wahan ghar main kon hai muntazir, jo fikar ho dair sawair ki,

bari mukhtasir yeh raat hai, isay chandni main guzar do.