[!~*AdOrAbLe*~!]

Adhure pade hain jo, un sapno mein khone do
Maa bas zara thodi der mujhe aur sone do

Aaj barso baad aayi mujhe neend yeh meethi
Nindiya ke dhage mein sapne pirone do

Haqeqat badi kadvi, aur khwab hain meethe
Sapne hi sapne ho, sapno ke beej bone do

Sapno ki duniya mein sab kuch hi milta hai
Hasratein dabi mann mein, aaj puri hone do

Kai sapne darate hain, aur mujhko na bhate hai
Godi mein lo sir mera aur aanchal ke kone do

khwabo mein koi kal na koi aaj hota hai
Beete waqt mein ja kar mere paap dhone do

Uff meri nind yeh tuti, sapna mera tuta
Aankhe meri hai nam, maa mujhe aaj rone do

I My Mother