[! HEER]

aankh se duur na ho dil se utar jaayegaa
vaqt kaa kyaa hai guzartaa hai guzar jaayegaa

itanaa maanuus na ho Khilvat-e-Gam se apanii
tuu kabhii Khud ko bhii dekhegaa to Dar jaayegaa


tum sar-e-raah-e-vafaa dekhate rah jaaoge
aur vo baam-e-rafaaqat se utar jaayegaa


zindagii terii ataa hai to ye jaanevaalaa
terii baKhshiish terii dahliiz pe dhar jaayegaa

Duubte Duubte kashtii to ochhaalaa de duun
main nahiin koi to saahil pe utar jaayegaa

zabt laazim hai magar dukh hai qayaamat kaa 'Faraz'
zaalim ab ke bhii na royegaa to mar jaayegaa

 

---

[SIGPIC][/SIGPIC]


Main Tere Hath Pe Rach Jaon Rango Ki Tarha,

Tu Mera Naam Hathon Pe Kabhi Saja Kar To Daikh..