[! HEER]

Baandh lein haath, seenay pay sajaa lein tum ko
Jee mein aata hai, taaweez bana lein tum ko

Phir tumhein roz sanwaarein, tumhein barhta dekhein
Kion nah aangan mein chanbeili sa laga lein tum ko

Kia ajab khoahishein uthti hain hamarey dil mein
Kr k munna sa hawaa mein uchaalein tum ko

Is kadar toot k tum pay hamein pyar aata hai
Apni baanhon mein bhar lein, maar hi daalein tum ko

Hai tumharey liye kuch aisi akeedat dil mein
Apne haathon mein duaon sa uthaa lein tum ko

Jaan deney ki ijaazat bhi nahi detay ho
Warna marr jayen, abhi marr k manaa lein tum ko

Abb tou bass aik hi khoahish hai, kisi mor pay tum
Ham ko bikhray huye mil jao, sanbhaalein tum ko

 

---

[SIGPIC][/SIGPIC]


Main Tere Hath Pe Rach Jaon Rango Ki Tarha,

Tu Mera Naam Hathon Pe Kabhi Saja Kar To Daikh..