[ShArArTi MuNdA]

Khauf saa aane laga hai chehron se,

Dil kuchh iss tarah bujha teray baad,

Jaan sulagti rahi tanha tanha,

Koyi pursaan na raha teray baad,

Yaad kerkay tujhay ro letay hain,

Ab jo uth ti hai ghata teray baad

 

[ShArArTi MuNdA]

Zikr-e-shab-e-firaq se wehshat usay bhi thi
Meri tarah kisi se muhabbat usay bhi thi

Mujh ko bhi shauq tha naye chehroon k deed ka
Rasta badal k chalne ki adat usay bhi thi

Us raat dair tak wo rahaa mahv-e-guftagu
Masruf main bhi kam tha faraaghat usay bhi thi

Sunata tha wo bhi sab se puraani kahaniya
Taza rafaqaton ki zarorat usay bhi thi

Mujh se bichhar ke sheher main ghul mil gaya wo shakhs
Halan k sheher bhar se raqabat usay bhi thi

Wo mujh se barh k zabt ka aadi tha, jee gaya
Warna har ek saans qayamat usay bhi thi

Asrar na jaan khud ko nakam k bad-zauq
Wo mana nahi par tujh se muhabat usay bhi thi

 

[ShArArTi MuNdA]

MAAA
Umer Bhar Seene Se Laga Kar Pala Hai Maa Ne
Ghalat Batoon Pe Thora Thora Mara Hai Maa Ne

Abhi Tak Wo Bachpane Ki Yadein Hain Baqi
Aur Wo Bachpane Ki Batein Hain Baqi

Ke Jab Mein Ne Bola Tha Maa Pehli Baar
Maa Ki Aankhon Mein Bhara Tha Kitna Pyar

Paida Howa Tha To Kuch Nahi Tha Mein
Maa Ki Wajha Se Aaj Hoon Kya Kya Mein

Lalach To Kuch Nahi Meri Maa Ko Magar
Acha Ho Jo Dedoon Dil Tohfay Mein Agar

Maa Ko Choorte Hain Aise Kuch Log Hotay Hain
Phir Auroon Ke Liyay Wo Hamesha Sog Hotay Hain

Kuch Logoon Ke Liyay Maa Ko Choorte Nahi
Chahay Kuch Ho Jaye Moo Mortay Nahi

Maa Se Hamesha Hamein Sukh Milte Hain
Phir Bhi Us Ko Hamse Dukh Milte Hain

Kash Qurbaan Karoon Mein Sab Us Ki Sada Pe
Aur Wo Mujhe Pyar Karay Meri Issi Ada Pe


Maa Se Mujhe Meri Koi Juda Na Karay
Karoon Pyar Kissi Aur Se Khuda Na Karay

 

[ShArArTi MuNdA]

mujhase tuu puuchhane aayaa hai vafaa ke maanii
ye terii sadaadilii maar na Daale mujhako.............!
kal kii baat aur hai main ab saa rahuun yaa na rahuun
jitanaa jii chaahe teraa aaj sataale mujhako..............!
tark-e-ulfat kii qasam bhii koi hotii hai qasam
tuu kabhii yaad to kar bhuulanevaale mujhako

 

[ShArArTi MuNdA]

wafa ke waday wo saray bhula gaya chup chap
wo mere dil ki deewarein hila gaya chup chap
ghum e hayat ke taptay hoye bayaban mein
humhien chor ke wo tanha chala gaya chup chap
najanay wo kon sa wo badnaseeb lamha tha
jo ghum ki aag mein mujh ko jala gaya chup chap
mein jis ko chahta hon wo zakham deta hai
wo phool aese chaman mein khila gaya chup chap

 

[ShArArTi MuNdA]

Ankhoon mein raha dil mein utar ker nahi daikha
kashti ke musafir ne sumander nahi daikha........!
pathar mujhe kehta hai mera chahane wala...........!
main mom hoon uss ne mujhe choo ker nahi daikha
yeh phool mujhe koi warasat mein mile hain
tum ne mera kantoo(n) bhara bistar nahi daikha
maa(n) baap ki jagir ho ya mehboob ki galyaa(n)
jo chod diya phir usey mod ker nahi daikha......!

 

[ShArArTi MuNdA]

INTEZAAR to hai us shaks ko mera
halka sa ehsaas to hai be dard sahi
woh mera humraaz to hai woh aaye na aaye mere paas
lekin shidat se mujhe us ka intezaar to hai
abhi nahi to kya hua mil hi jayenge kabhi
mere dil main us se milan ki aas to hai
pyaar ki gawahi mere aansoon se na maang
barasti nahi aankhen magar dil uddas to hai

 

[ShArArTi MuNdA]

Apne sath hi sada mujhko paaoge tum…!!

Thak jaao gar pathreele raaston pe chalte hue
Kabhi soch na lena ki wahan tanha ho tum
Moond kar palkon ko apni jo tum dekhoge
Apne saath hi sada mujh ko paaoge tum

Har waqt bura kat jaat hai, yaqeen karna
Ankhon main kabhi tum ashk na bhar lena
Ghum barh jaaye, muskurahat khone lage
Apni duaaon main mujh ko paaoge tum

Ishq naam to nahin hai milan ka, deedar ka
Dil se dil ka mil jaana hai naam-e-mohabbat
Jo yaad aa jaaye meri, na samjhna ki door hoon
Apne seene main dhadakta mujh ko paaoge tum

Waqt ki garmi jo jhulsaane lage wujood
Meri chahat ki nami ko mehsoos karna
Jo sard hawaain zamane ki aane lagen paas
Meri wafaaon ki garmi ko mehsoos karna
Main tumse juda to nahin hoon mere humdum
Apne saath hi sada mujh ko paaoge tum !!

 

[ShArArTi MuNdA]

Kuch dil Se.......

Raaste badal jaate hain, manzilain badal jaati hain,

Kyun nahin badalte dil jo taqdeerain badal jaati hain

Dil wohi rehta hai, yaadon ki anginat karchaiyaan le ke,

Aankhon ki nami chupa kar, nazrain badal jaati hain

Rooh rehti hai har lamha ashkbaar, lab hanste hain,

Bahar aur andar ki kis tarah fizaain badal jaati hain

Koi hota hai rafta rafta zindagi se door, bohot door

Haathon ki yeh lakeerain kyun aksar badal jaati hain !!

 

[Hani]

Asrar na jaan khud ko nakam k bad_zauq
Woh mana nahi par tujhse mohabbat usey bhi thi...............

Superub Collection...................

 

---

[SIGPIC][/SIGPIC]

Din Barh Khuawb jo Totty hain Sameetty Humne,

Phir Sogaye Nayeee Khuawb Sajaney k liye,

Roz Ek Jahad_E_Musalsal may Lagataar rehta hon,

Meri Saasoon ki Rawani toh Buss faqath Dokha hai..,

Han main Zinda hon Magar Srif Dikhaney k liye.!