["K.G"]

Originally Posted by ミ★αℓια★彡

mein shayar tau nahi ,magar Aye haseen jab se dekha tujh ko mujh ko shayari agayi

NiCe Shair

 

["K.G"]

baat chalii terii aa.Nkho.n se jaa pahu.Nchii paimaane tak
khii.nch rahii hai terii ulfat aaj mujhe maiKhaane tak

ishq kii baate.n Gam kii baate.n duniyaa vaale karate hai.n
kis ne shammaa kaa dukh dekhaa kaun gayaa paravaane tak

ishq nahii.n hai tum ko mujh se sirf bahaane karatii ho
yuu.N hii bahaane qaayam rakhanaa tum mere mar jaane tak

itanaa hii kahanaa hai tum se mumkin ho to aa jaanaa
aa hii gaye to rukanaa hogaa aa.Nkho.n ke patharaane tak

 

[Alia]

 

---

["K.G"]

qaasid ke aate aate Khat ik aur likh rakhuu.N
mai.n jaanataa huu.N jo vo likhenge javaab me.n

 

["K.G"]

duur hai manzil raahe.n mushkil aalam hai tanhaa_ii kaa
aaj mujhe ehasaas huaa hai apanii shikastaapaa_ii kaa

 

["K.G"]

ik terii tamannaa ne kuchh aisaa navaazaa hai
maa.Ngi hii nahii.n jaatii ab ko_ii duaa ham se

 

["K.G"]

zaahid sharaab piine de masjid me.n baiTh kar
yaa vo jagah bataa jahaa.N par Khudaa na ho

 

["K.G"]

hijr kii pahalii shaam ke saaye duur ufaq tak chhaaye the
ham jab us ke shahar se nikale sab raaste sa.Nvalaaye the

jaane vo kyaa soch rahaa thaa apane dil me.n saarii raat
pyaar kii baate.n karate karate us ke nain bhar aaye the

mere andar chalii thii aa.Ndhii Thiik usii din patajha.D kii
jis din apane juu.De me.n usane kuchh phuul sajaaye the

usane kitane pyaar se apanaa kufr diyaa nazaraane me.n
ham apane iimaan kaa saudaa jis se karane aaye the

kaise jaatii mere badan se biite lamho.n kii Khushbuu
Khvaabo.n kii us bastii me.n kuchh phuul mere ham-saaye the

kaisaa pyaaraa manzar thaa jab dekh ke apane saathii ko
pe.D pe baiThii ik chi.Diyaa ne apane par phailaaye the

ruKhsat ke din bhiigii aa.Nkho.n us kaa vo kahanaa haa_e "Qateel"
tum ko lauT hii jaanaa thaa to is nagarii kyuu.N aaye the

 

["K.G"]

hamaare daramiyaa.N aisaa ko_ii rishtaa nahii.n thaa
tere shaano.n pe ko_ii chhat nahii.n thii
mere zimme ko_ii aa.Ngan nahii.n thaa
ko_ii vaadaa terii zanjiir-e-paa banane nahii.n paayaa
kisii iqaraar ne merii kalaa_ii ko nahii.n thaamaa
havaa-e-dasht kii maanind
tuu aazaad thaa
raaste terii marzii ke tabe the
mujhe bhii apanii tanhaa_ii pe
dekhaa jaaye to
puuraa tasarruf thaa
magar jab aaj tuu ne
raastaa badalaa
to kuchh aisaa lagaa mujh ko
ke jaise tuu ne mujh se bevafaa_ii kii

 

["K.G"]

pareshaa.N raat saarii hai sitaaro.n tum to so jaao
sukuut-e-marg taarii hai sitaaro.n tum to so jaao

ha.Nso.n aur ha.Nsate-ha.Nsate Duubate jaao Khalaao.n me.n
hame.n ye raat bhaarii hai sitaaro.n tum to so jaao

tumhe.n kyaa aaj bhii koii agar milane nahii.n aayaa
ye baazii ham ne haarii hai sitaaro.n tum to so jaao

kahe jaate ho ro-roke hamaaraa haal duniyaa se
ye kaisii raazadaarii hai sitaaro.n tum to so jaa

hame.n to aaj kii shab pau phaTe tak jaaganaa hogaa
yahii qismat hamaarii hai sitaaro.n tum to so jaao

hame.n bhii nii.nd aa jaayegii ham bhii so hii jaaye.nge
abhii kuchh beqaraarii hai sitaaro.n tum to so jaao