[pakeeza]

Be Noor Si Lagti Hai Uss Se Bicharr K Ye fiza Ab
Charagh To Jaltay Hain Magar Ujala Nahi Kartey..!

 

---

Be Positive... Everything Gonna be Alright

[pakeeza]

Mil k bicharna dastor hy zindgi ka,

Ek ye hi kissa mashhor hy zindgi ka,


... Beete howe pal kabhi lot kar nai aate,

Ye hi sab se bara kasoor hy zindgi ka.\

 

---

Be Positive... Everything Gonna be Alright

[pakeeza]

Woh Mil To Gya Tha Magr Apna Hi Muqaddar.....

Shatranj Ki Ulljhi Hue Chalon Ki Trha Tha.....

 

---

Be Positive... Everything Gonna be Alright

[pakeeza]

~Kisi Kitab Ka Wo Phool Sookha Yaad Aaya
Baat Jab Bhi Chali To Bas Tera Khayal Aaya


Main Dekhta Hoon Jab Kisi Ko Yaha Tanha Baitha
Wo Tera Kal Phir Aane Ka Wada Yaad Aaya


Dil Ne Jab Bhi Chaha Ke Tujhe Bhool Jaayen
Wo Tera Kahna Ke Mujhe Bhool Jawo Yaad Aaya


Kesee Ketaab Ka Wo Phool Sookha Yaad Aaya
Baat Jab Bhee Chali To Bas Tera Khayal Aaya~

 

---

Be Positive... Everything Gonna be Alright

[pakeeza]

Aankh se door na ho dil se utar jaayegaa
Waqt kaa kyaa hai guzarataa hai guzar jaayegaa

Itanaa maanoos na ho Khilvat-e-Gam se apnii
Tu kabhii Khud ko bhii dekhegaa to dar jaayegaa

Tum sar-e-raah-e-vafaa dekhate reh jaaoge
Aur wo baam-e-rafaaqat se utar jaayegaa

Zindagii terii ataa hai to ye jaanevaalaa
Terii baKhshiish terii dehaliiz pe dhar jaayegaa

Doobate doobate kashtii to ochhaalaa de don
Main nahiin koii to saahil pe utar jaayegaa

Zabt laazim hai magar dukh hai qayaamat kaa 'Faraz'
Zaalim ab k bhii na royegaa to mar jaayegaa.......

 

---

Be Positive... Everything Gonna be Alright

[pakeeza]

tujhe dhoondti rahi chashm-e tar, tera naam wird-e zubaan raha
na haram ka mujh ko khayal tha na sanam kaday ka gumaan raha

teri chashm-e naaz ka mehkada mujhe be-nyaz sa kar gya
na sha'oor-e kon-o makaan raha na khayal-e sod-o zyan raha

kar'ray waqt mein jo main ghir gaya teri yaad hi bani mojza
shab-hijr mein bhi aye jaan-e jan teri qurbaton ka samaa raha

mujhe zindagi say bhi pyar tha mujhe ishq say bhi thein aqeedatein
go bohat katthin thay ye raaste tera sath tha main rawaan raha

 

---

Be Positive... Everything Gonna be Alright

[pakeeza]

KHUDA Hum Ko Aisi Khudaii Na Day
Keh Apnay Sewa Kuch Dekhaii Na Day

Khatawar Samjhay Gi Dunya Tujhay
Ab Itni Ziada Safaii Na Day

Hanso Aaj Itna Keh Is Shoor Main
Sada Siskeyon Ki Sunaii Na Day

Gulami Ki Barkat Samajnay Lagay
Aseeron Ko Aisi Rehaaii Na Day

KHUDA Aisay Ahsaas Ka Naam Hay
Rahay Samnay Or Dekhaii Na Day

 

---

Be Positive... Everything Gonna be Alright

[pakeeza]

Bazahir aam lehjay main

Kaha tha main ne jab us se

"Badal lo raasta apna

Juda rahain yaheen ker lo

Hamaray chahnay na chahnay se

Kuch nahi hota

Yahi sach hai k hum do mukhtalif

Rasston ke raahi hai

To phir kion dil ki manain hum

Shuru main manti hoon main

Azziyat dil ko pohanchay gi

Magar phir waqt guzray ga

Sabhi zakhmon ko bhar de ga"

Meray is aam se lehjay pe wo

Ik pal ko chonka tha

Meri aankhon main aankhain daal kar

Hairat se poocha tha

"Ye sab jo keh rahi ho khud ko ye samjha bhi pao gi?"

Bohat hi jee kar'da kar k

Main us dam muskurayi thi

Bohat khud pe jabar kar ke

Main us se keh ye payi thi

"Meri tum fikr rehnay do

Sambhal jaoon gi main khud hi

Sabhi zakhmon ko see loon gi

Bhula kar sari batoon ko

Akaili bhi main jee loon gi"

Buhat hi be yaqeen aakhoon se

Us ne mujh ko dekha aur

Bina ik lafz bolay wo gaya or phir nahi aaya

Aur ab tark_e_taalluq ko

Agarche umar beeti hai

Magar is dil pe us ki zaat ka

Jo naqsh qaaim tha

Kabhi dhundla nahi hota

Mujhay mehsoos hota hai

Ke jaisay meray kanoon main

Wo apni bolti aankhoon se

Sargoshi si karta hai

"WOH SAB JO KEH RAHI THEEN

KHUD KO WOH SAMJHA BHI PAYI HO?"

 

---

Be Positive... Everything Gonna be Alright

[pakeeza]

bohat masroof rehtay ho
sehar say sham honay tak
koi lamha nahi milta
koi bay naam si fursat
koi gumnaam si seerat
kabhi bethay howay tanha
kahin jo sham ho jaey
to meri "ilteja" hay ye
koi lamha chura lena
jo meray naam ho jaey

 

---

Be Positive... Everything Gonna be Alright

[pakeeza]

yonhi baton hi baton mein
mujhe us ne bataya tha
mohabbat karne wale pyar mein dhoka nahen karte
koi jab baat karta ho usey toka nahen karte
jise jane ki jaldi ho usey toka nahen karte
yonhi baton hi baton mein
mujhe ab yaad aya hai
usey jane ki jaldi thee!!!!!

 

---

Be Positive... Everything Gonna be Alright