[Alia]

کیوں عشقَ اساں تے آیا اے
توں آیا ہے میں پایا اے
ابراہیم چا چکھا سٹائیو، زکریئے سر کلوتر دھرائیو
یوسف ہٹو ہٹّ وکائیو، کہُ سانوں کی لیایا اے
کیوں عشقَ اساں تے آیا اے
شیخ سنانوں خوک چرائیو، شمس دی کھلّ الٹ لہائیو
سولی تے منصور چڑھائیو، کر ہتھ ہن میں ول دھایا اے
کیوں عشقَ اساں تے آیا اے
جس گھر وچ تیرا پھیر ہویا، سو جل بل کوئلہ ڈھیر ہویا
جد راخ اڈی تد سیر ہویا، کہُ کس گلّ دا سدھرایا اے
کیوں عشقَ اساں تے آیا اے
بلھا شہہ دے کارن کریئے، تن بھٹھی من اہرن کریئے
پریم ہتھوڑا مارن کریئے، دل لوہا اگّ پنگھرایا اے
کیوں عشقَ اساں تے آیا اے
توں آیا ہے میں پایا اے


Sorry I Forgot To write d Poem Here

 

---

---

Last edited by Alia; 09-01-2013 at 04:34 PM..