[Owi]

-:||:- Tamaam Umer Ummeedon K Dermiyaan Guzri -:||:-

Ajeeb karb mein guzri, jahaan jahaan guzri
Agerchay chaahnay waalon k dermiyaan guzri

Tamaam umer jalaatay rahay chiraagh-e-ummeed
Tamaam umer ummeedon k dermiyaan guzri

Guzer gai jo teray saath, yaad-gaar hai wo
Teray baghair jo guzri, balaa-e-jaan guzri

Mujhay sukoon mayassar nahi to kya ghum hai
Gulon ki umer to kaanton k dermiyaan guzri

Ajeeb cheez hai ..... ye gerdish-e-zamaana bhi
Kabhi zameen pay, kabhi misl-e-aasmaan guzri.

 

---

•||•––––•||•––•Owi•––•||•––––•||•

---

Last edited by Owi; 08-22-2011 at 03:14 PM..

[Owi]

-:||:- Zindagi Chal K Zara Mout Ka Dam-khaM Dekhein -:||:-

Dil k sunsaan jazeeron ki Khaber laaye ga
Derd pehloo say judaa ho k kahaan jaaye ga

Kon hota hai kisi ka shab-e-tanhaai mein
Ghum-e-furqat hi Ghum-e-ishq ko behlaaye ga

Chaand k pehloo mein dam saadh k rotii hai kiran
Aaj taaron ka fusoon Khaak nazer aaye ga

Raakh mein aag dabi hai Ghum-e-mehroomi ki
Raakh ho ker bhi ye sholaa hamein sulgaaye ga

Waqt Khaamosh hai roothay huway yaaron ki terhan
Kon lou daytay huway zakhmon ko sehalaaye ga

Zindagi chal k zara mout ka dam-kham dekhein
Werna ye jazbaa lehad tak hamein lay jaaye ga.

 

---

•||•––––•||•––•Owi•––•||•––––•||•

---

Last edited by Owi; 08-22-2011 at 03:16 PM..

[Owi]

-:||:- Dukh Nay Meray Ghar Ka Rasta Dekh Liya Hai -:||:-

Shaayad us nay mujh ko tunha dekh liya hai
Dukh nay meray ghar ka rasta dekh liya hai

Apnay aap say aankh chupaaye phirti hoon main
Aainay mein kis ka chehra dekh liya hai

Ab bhi sapnay boye to eemaan hai us ka
Us nay in aankhon mein sehra dekh liya hai

Us nay mujhay dar-asal kabhi chaaha hi nahi tha
Khud ko day ker ye bhi dhoka dekh liya hai

Us say miltay waqt ka rona kuch fitri tha
Us say bicher jaanay ka nateeja dekh liya hai

Rukhsat kernay k aadaab nibhaanay hi thay
Band aankhon say us ko jaata dekh liya hai.

 

---

•||•––––•||•––•Owi•––•||•––––•||•

---

Last edited by Owi; 08-22-2011 at 03:17 PM..

[Owi]

-:||:- Hamaaray Sheher Mein Utra Kamaal Ka Mosam -:||:-

Firaaq-e-yaar ki baarish, malaal ka mosam
Hamaaray sheher mein utra kamaal ka mosam

Wo ik dua jo meri naa-muraad lout aai
Zabaan say rooth gaya phir sawaal ka mosam

Bohat dino say meray zehan k dareechon mein
Theher gaya hai tumhaaray khayaal ka mosam

Jo bay-yaqeen hon bahaarein ujar bhi sakti hein
To aa k dekh lein meray zawaal ka mosam

Mohabbatein bhi teri dhoop chaaon jaisi hein
Kabhi ye hijr to kabhi wisaal ka mosam

Koi mila hi nahi jis ko sounptay .....
Hum apnay khuwaab ki khushboo khayaal ka mosam.

 

---

•||•––––•||•––•Owi•––•||•––––•||•

---

Last edited by Owi; 08-22-2011 at 03:17 PM..

[Owi]

-:||:- Khirki Chaand Kitaab Or Main -:||:-

Khirki, chaand, kitaab or main
Muddat say ik baab or main

Shab bhar khelein aapas mein
Do aankhein, ik khuwaab or main

Mouj or kashti saahil per
Deriyaa mein gardaab or main

Shaam, udaasi, khaamoshi
Kuch kankar taalaab or main

Her shab pakray jaatay hein
Gehri neend, teray khuwaab or main.

 

---

•||•––––•||•––•Owi•––•||•––––•||•

[Owi]

-:||:- Yaar K Ghum Ko Ajab Naqsh-gari Aati Hai -:||:-

Yaar k ghum ko ajab naqsh-gari aati hai
Poor poor aankh ki maanind bhari jaati hai

Bay-ta-alluq na hamein jaan k hum jaantay hein
Kitna kuch jaan k ye bay-khabri aati hai

Is qadar goondhna perti hai lahoo say mitti
Haath ghul jaatay hein phir kooza-gari aati hai

Kitna rakhtay hein wo is sheher-e-khaamoshaan ka khayaal
Roz ik naao gulaabon say bhari aati hai

Zindagi Kaisay baser hogi k hum ko .....
Saber aata hai na aashufta-sari aati hai.

 

---

•||•––––•||•––•Owi•––•||•––––•||•

---

Last edited by Owi; 08-22-2011 at 03:18 PM..

[Dewaangi]

waahhhh very beautiful poetry

creative work T4 S

 

---

[SIGPIC][/SIGPIC]

[(¯`·._.·[FåIтH]·._.·´¯)]

wowwwwwwwwwwwwww aawsum work creative nd cOOl

 

---

WaNna hug yOu

[Sami]

Kamal .. Owais Bhai Weld0ne .. !!

 

---

!! .. Back To Hunt Again .. !!

[DreamoOo]

Bohat umda Owi , Nice stuff .

T4S

 

---

Ƭɛαм Ƥιƨн
1%ЄЯ

Ƥɛαcɛ Ѳʋт ʏσ