[sara butt]

Min kitni waraftagi se use suna raha tha.
Wo sari baten, wo sare qisse.
Jo us se milne se peshtar.
Meri zindagi ki hikayaten thin.

Min keh raha tha.
K or bhi log the.
Jinhen meri aarzu thi, meri talab thi
K jin se meri muhabbaton ka raha ta'aluq.
Ki jin ki mujh par inayaten thin.

Min keh raha tha.
K un min kuch ko to min ne.
Jan se azeez jana.
Magr un min se baz ko.
Meri be dili se shikayaten thin.

Min ik ik bat.
Aik aik jurm ki kahani.
Dharakte dil, kanpte badan se suna raha tha.
Magr wo pathar bani.
Mujhe is trah se sunti rahi.

K jese mere labon par.
Kisi muqadas tareen sahife ki aayaten thin.

 

---

[sara butt]

Suno!
Ab kuch dinon se haal aisa he.

Koi kitni bhi zillat de.
Koi jitni raunat se hamen runde.

Bura bilkul nhi lagta.
Gila koi nhi hota.

sakun mehsoos hota he.

Dua lab se nikalti he...!!!

 

---

[sara butt]

Khudaya!!!!

Mujh ko kuch na de.

Nhi, kuch bhi nhi chahye ab.

Bas us ki khwahish.

Poori kar de.

Jo duaon min.

Sadaon min.

Mujhe hi mangta he.

 

---

[sara butt]

Judai ki saleeb be mehar par charh kar ye jana.

Judai mout se badtar.

K jese aalam-e-barzakh.

Na zindon min rahe koi.

Na us ko mout hi aye.

 

---

[sara butt]

Dheere dheere.



Rag-o-pe min.



Phel rahi he.



Qatra qatra.



Rooh min.



Utar rahi he.



Lamha lamha.



Maar rahi he.



Teri mohabbat.

 

---

[sara butt]

Dard ki har ik had se ab guzar gaya hon min.
Phir kabhi na simton ga yon bikhar gaya hon min.

Mout bas nhi aati rooh k nikalne se.
Sans mujh min baqi he phir bhi mar gaya hon min.

Zindagi min jitni bhi roshni thi, us se thi.
Mustaqil andheron min ab utar gaya hon min.

Baam-o-dar bhi us k bad ho gaye hen yon khamosh.
Aur dil ulajhta he jab bhi ghar gaya hon min.

Us ka sath jab tak tha rang rang mosam the.
Bas khizan k mosam min ab thehar gaya hon min.

 

---

[sara butt]

Wo mohabbat min ye kesi wafa de gaya.
khush rahon use bhool kar ye dua de gaya.

Koi raqeeb hota to min bhool jati use.
Habib ban kar bhi wo mujhe jafa de gaya.

Chala gaya wo guzre hoe mosam ki trah.
Mujhe tanhai min jine ki baqa de gaya.

Chaand ban kar utarna tha mere aangan min.
Wo dard ki barish aur thandi hawa de gaya.

Kitna mushkil he khud ko samjhana.
Jab mout se bhi barh kar koi saza de gaya.

 

---

[sara butt]

Ajab hen raste mere k chalna bhi nhi mumkin.
Zara thokar jo lag jae sambhalna bhi nhi mumkin.

Tera chehra meri nazron min dhundla san a ho jae.
K ab bheegi hoi ankhon ko malna bhi nhi mumkin.

Mile hen bad muddat k bala k sard hen lehje.
K jalna bhi nhi mumkin, pighalna bhi nhi mumkin.

Talluq toot jane se umiden toot jati hen.
Dilon min hasraten le kar behalna bhi nhi mumkin.

Bht nakamiyan le kar hoa hon khak ka qedi.
Chalo ab aj se ghar se nikalna bhi nhi mumkin.

Use itna na socha kar teri aadat na par jae.
Phir aisi adaten badalna bhi nhi mumkin.

 

---

[sara butt]

Zakham muskurate hen ab bhi teri aahat par.
Dard bhool jate hen ab bhi teri aahat par.

Shabnami sitaron par phool khilne lagte hen.
Chaand muskurate hen ab bhi teri aahat par.

Umar kat di lakin bachpana nhi jata.
Hum diye jalate hen ab bhi teri aahat par.

Teri yad aye to neend jati rehti he.
Hum khushi manate hen ab bhi teri aahat par.

Ab bhi teri aahat par chaand muskurata he.
Khwab gungunate hen ab bhi teri aahat par.

Tere hijar min hum par ik azab taari he.
Chonk chonk jate hen ab bhi teri aahat par.

Ab bhi teri aahat par aas lout aati he.
Ashk hum bahate hen ab bhi teri aahat par.

 

---

[sara butt]

Wo mohabbat se khafa he mujhe maloom na tha.
Ishq us se na rawa he mujhe maloom na tha.

Wo bicharne laga mujh se to anaa toot gayi.
Rooth jana hi ada he mujhe maloom na tha.

Subha hone pe bhi ankhon se andhera na gaya.
Rat suraj se khafa he mujhe maloom na tha.

Rooth jane pe manana use ata hi nhi.
Ye bhi meri hi khata he mujhe maloom na tha.

Zindagi jurm-e-anasar he zamane min.
Sans lena bhi saza he mujhe maloom na tha.

 

---