[!~*AdOrAbLe*~!]

Tumhare Hathon K Liye Ek Dua
Mere Mola Yeh Haseen Hath Salamat Rakhna
Aisa Lagta Hay Jo Yeh Hath Dua Ko Uthain
Khud Farishtay Chalay Aatay Hon Zamin Ki Janib
Sonp Kar Marmareeen Hathon Ki Hatheli Ko Hina
Jo Bhi Manga Woh Chup Chap Diye Jatay Hon
Mere Mola Yeh Haseen Hath Salamat Rakhna

In Ki Khushboo Say Moattar Hay Mera Sara Wajood
Inhi Hathon Main Mere Khwab Chupay Hain Mola
Unglian Mujh Ko Mohabbat Main Bhigo Deti Hain
Inhi Poron Nay Mere Dard Chunay Hain Mola
In Ki Rag Rag Main Mohabbat Hi Mohabbat Rakhna
Mere Mola Yeh Haseen Hath Salamat Rakhna

Inhi Hathon Ki Lakeeron Main Muqadar Hay Mera
Yeh Jo Konay Main Sitara Hay Sikandar Hay Mera
Khwab Say Naram Khiyalon Ki Tarah Nazuk Hain
In Kay Her Lams Main Mere Liye Chahat Rakhna
Mere Mola Yeh Haseen Hath Salamat Rakhna
Mere Mola Yeh Haseen Hath Salamat Rakhna