[life]

کئی برسوں سے جس پل کو
میں دل کی جھیل کی تہہ میں
سُلا کے بُھول بیٹھی تھی
وہی پل جاگ اُٹھا تو، کنول بن کر چمک اُٹھا
میں چونک اُٹھی کہ یہ سب کس طرح سے ہو گیا یکدم
وہ پل جاگا تو جیسے خون کی ساری ہی شریانیں
کسی نے کھینچ کر رکھ دیں
لگا پانی کا رستہ بُھول کر مچھلی نے گویا چُن لیا صحرا
بغاوت کا ارادہ کر لیا سانسوں کے طوفاں نے
یہ دھڑکن گُنگُنا اُٹھی
لگا پیروں سے لے کے سر تلک شعلے بھڑک اُٹھے
لہو کی ساری بوندوں نے سُلگنے کی قسم کھا لی
پِگھلتا ہی گیا جذبوں کا سونا موم کی صورت
ان آنکھوں میں محبت کے ہزاروں دِیپ جل اُٹھے
میری چُندھیا گئی پلکیں
تھکا ماندہ نظر آیا فلک کا چاند آخرکار
ستارے پڑ گئے مدھم
سُنو، اک بات مانو گے؟
تم اپنی ساری چاہت کو میری جاگیر کر ڈالو
وفا ہوں میں، مجھے پیروں کی تم زنجیر کر ڈالو
مجھے اب خواب سے تعبیر کر ڈالو

 

[Morash]

Superb Poetry Life ..

 

---

➳ bE driveN wiTh puRpOse, Be r313n71355 in your alιgnмenт;
with excellence.
pAy n0 mInd to the ∂ιsιмραssισηε∂ เ๓ק๏tєภt ђคtєгร ♬

☣

.. нoolιgan ☠

[life]

thanks morash

 

[SHAYAN]

Buht Umda