[Owi]

-:||:- Dukh Nay Meray Ghar Ka Rasta Dekh Liya Hai -:||:-

Shaayad us nay mujh ko tunha dekh liya hai
Dukh nay meray ghar ka rasta dekh liya hai

Apnay aap say aankh chupaaye phirti hoon main
Aainay mein kis ka chehra dekh liya hai

Ab bhi sapnay boye to eemaan hai us ka
Us nay in aankhon mein sehra dekh liya hai

Us nay mujhay dar-asal kabhi chaaha hi nahi tha
Khud ko day ker ye bhi dhoka dekh liya hai

Us say miltay waqt ka rona kuch fitri tha
Us say bicher jaanay ka nateeja dekh liya hai

Rukhsat kernay k aadaab nibhaanay hi thay
Band aankhon say us ko jaata dekh liya hai.

 

---

•||•––––•||•––•Owi•––•||•––––•||•

---

Last edited by Owi; 08-22-2011 at 03:17 PM..