Aankhon main khuwab rakhna mumkin nahi raha ab
Sach hai mera sambhalna mumkin nahi raha ab
Jatay huwe thi us ki aankhon mein jo udaasi
Woh keh rahi thi milna mumkin nahi raha ab
Kis ko kahein mohabbat kis ko kahein wafa
Yun aatebar karna mumkin nahi raha ab
Thi tark-e-talluq ki ab ibtada zaroori
Shayad k sath chalna mumkin nahi raha ab
Ab intezar kyun hai dil beqarar kyun hai
Us ka to lot aana mumkin nahi raha ab
Hai her taraf andhera ruswaiyon ka dor hai
Ghar se bahar nikalna mumkin nahi raha ab