[ShArArTi MuNdA]

Usay Apnay Farda Ke Fikar Thi, Wo Jo Mera Waqif -e- Haal Tha
Wo Jo Us Ke Subha -e- Urooj Thi Wahi Mera Waqt -e- Zawaal Tha


Kaha Jao Gaye Mujhay Chorr Kay Main Yeh Puch Puch Kay Thak Gia
Wo Jawab Mujh Ko Na Day Saka Wo Tu Khud He Sarapa Sawal Tha


Meri Baat Wo Kesay Manta Mera Dard Wo Kesay Janta
Wo Tu Khud Fana Kay Safar Main Tha Usay Rokna Mahaal Tha


Wo Jo Us Kay Samnay Aa Gia Wahi Roshni Main Naha Gia
Ajab Us Ka Haibat -e- Ishq Tha, Ajab Us Ka Husan -e- Jamaal Tha


Dam -e- Wapsi Aray Yeh Kia Howa Na Wo Roshni Na Wo Tazgi
Wo Sitara Kesay Bikhar Gia Wo Jo Apni Misaaal Aap Tha


Wo Mila Tu Sadyo Kay Baad Bhi Meray Lab Pay Koii Gila Na Tha
Usay Meri Chup Nay Rula Dia Jisay Guftagoo Main Kamaal Tha


Meray Sath Lag Kay Wo Ro Dia Mujhay Sirf Itna He Keh Saka
Jisay Janta Tha Main Zindagi Wo Tu Mera Wham -o- Khayal Tha