[!«╬Ĵamil Malik╬«!]

Mai kisey suna raha hoon yeh ghazal muhabbaton ki
Kahin aag sazishon ki kahin aanch nafraton ki

Koi baagh jal raha hai yeh magar meri dua hai
Mere phool tak na pahunchay yeh hawa tamazaton ki

Mera kon sa hai mausam mere mausamon ke wali
Yeh bahaar bedili ki yeh khizan muhabbaton ki

Mai qadeem baam-o-dar mai unhen ja ke dhoondhta hoon
Wo dayaar nikhaton ke wo fizaayen chaton ki

Kahin chaand ya sitare huye humkalaam mujh se
Kahin phool seedhiyon ke kahain jhaariyan chaaton ki

Mere kaaghzon mai shayed kahin ab bhi so rahi ho
Koi subha gulstan ki koi shaam parbaton ki